Warehouse Assistant

Your tasks

Պահեստի օգնականը պատասխանատու է Ամուլսարի պահեստում նյութերի և պահեստամասերի անվտանգ ու ճշգրիտ ընդունման, պահպանման, տեղափոխման, հավաքագրման, տրամադրման և վերադարձի գործընթացների իրականացման համար։

Պահեստի օգնականն իրականացնում է պահեստի ամենօրյա աշխատանքները և պաշարների շարժի հաշվառման գործառնությունները՝ ապահովելով նյութերի ճիշտ նույնականացումը, պահպանումն ու հետագծելիությունը, ինչպես նաև դրանց ֆիզիկական տեղաշարժերի ճշգրիտ գրանցումը NetSuite համակարգում։

Պաշտոնը նաև ներառում է աջակցություն պաշարների հաշվառման ճշգրտության ապահովմանը, նյութերի պատշաճ պահպանմանը, անվտանգ բեռնման և բեռնաթափման աշխատանքների իրականացմանը, ինչպես նաև պահեստի մաքրության և կարգուկանոնի պահպանմանը։

• Իրականացնել մուտքագրվող նյութերի և պահեստամասերի ընդունումը, բեռնաթափումը, ստուգումը, նույնականացումը և պահեստավորումը։
• Իրականացնել նյութերի և պահեստամասերի հավաքագրումը, տրամադրումը, վերադարձի ընդունումը, նախապատրաստումն ու նախնական կոմպլեկտավորումը՝ տեխնիկական սպասարկման, արտադրական գործընթացների պլանային դադարների և ընթացիկ գործառնական կարիքների համար։
• Ժամանակին և ճշգրիտ գրանցել պաշարների շարժին վերաբերող գործառնությունները NetSuite համակարգում և կիրառել շտրիխկոդերի ու սկանավորման համակարգերը՝ դրանց առկայության դեպքում։
• Ապահովել սերիական համարներով և առանց սերիական համարների հաշվառվող, պարբերաբար փոխարինվող և վերանորոգման ենթակա պահեստամասերի ճիշտ նույնականացումն ու հետագծելիությունը։
• Մասնակցել պարբերական գույքագրումներին, պաշարների փաստացի առկայության ստուգումներին և վթարային վերանորոգման համար նախատեսված պահեստի պաշարների համալրմանը։
• Պահպանել նյութերի պիտանելիության ժամկետների, պատշաճ պահպանման և պահեստավորման պայմաններին ներկայացվող պահանջները։
• Անվտանգ շահագործել բեռնատարիչները (պատառաքաղային բեռնիչները) և նյութերի տեղափոխման համար նախատեսված այլ թույլատրված սարքավորումները՝ համապատասխան ուսուցման և որակավորման առկայության դեպքում։
• Ապահովել պահեստի մաքրությունը, կարգուկանոնը և նյութերի անվտանգ պահեստավորման պահանջների պահպանումը՝ տեղեկացնելով պաշարների, նյութերի կամ աշխատանքի անվտանգության հետ կապված հայտնաբերված խնդիրների մասին։
• Մասնակցել պահեստային գործառնությունների, պաշարների կառավարման, NetSuite համակարգի, բեռնման և տեղափոխման սարքավորումների շահագործման ու աշխատանքի անվտանգության վերաբերյալ ուսուցումներին՝ շարունակաբար զարգացնելով մասնագիտական հմտություններն ու կարողությունները։

Requirements

• Միջնակարգ կամ համարժեք կրթություն։ Պահեստային տնտեսության, լոգիստիկայի կամ պահեստային գործառնությունների ոլորտում մասնագիտական կրթությունը ցանկալի է, սակայն պարտադիր չէ։
• Պահեստային տնտեսության, լոգիստիկայի, նյութերի տեղափոխման կամ արդյունաբերական միջավայրում աշխատանքային փորձը ցանկալի է։ Հանքարդյունաբերության կամ ծանր արդյունաբերության ոլորտում փորձը կդիտվի որպես առավելություն, սակայն պարտադիր չէ։
• Նյութերի ընդունման, պահեստավորման, տրամադրման և պաշարների վերահսկման հիմնական սկզբունքների իմացություն։
• Ուշադրություն մանրուքների նկատմամբ, նյութերը ճշգրիտ նույնականացնելու, հաշվառելու, քանակները ստուգելու և պատշաճ կերպով տեղափոխելու կարողություն։
• Համակարգչային տարրական գիտելիքներ և NetSuite համակարգի, ինչպես նաև շտրիխկոդերի ու սկանավորման համակարգերի հետ աշխատելու հմտություններ ձեռք բերելու պատրաստակամություն։
• Բեռնատարիչների և նյութերի տեղափոխման այլ սարքավորումների շահագործման հմտությունները կամ համապատասխան որակավորումը ցանկալի են։ Դրանց բացակայության դեպքում՝ անհրաժեշտ ուսուցումն անցնելու և համապատասխան հավաստագրում ստանալու կարողություն։
• Սահմանված ընթացակարգերը, պաշարների վերահսկման պահանջները և աշխատանքի անվտանգության կանոնները հետևողականորեն պահպանելու կարողություն։
• Հաղորդակցման և թիմային աշխատանքի արդյունավետ հմտություններ։
• Կազմակերպված ուսուցումների և աշխատավայրում գործնական ուղղորդման միջոցով նոր գիտելիքներ ու հմտություններ ձեռք բերելու պատրաստակամություն և կարողություն։

How to apply

Հետաքրքրված թեկնածուներին խնդրում ենք դիմել staff.am հարթակով կամ ուղարկել CV-ն HR@lydianarmenia.com էլեկտրոնային հասցեին՝ նամակիթեմայիդաշտումնշելովպաշտոնիանվանումը։*