Mechanical Planner

Մեխանիկական աշխատանքների պլանավորման մասնագետը պատասխանատու է Ամուլսարի կույտային տարրալվացման արտադրական գործընթացի ամբողջ տարածքում իրականացվող բոլոր մեխանիկական սպասարկման աշխատանքների արդյունավետ պլանավորման, ժամանակացույցի կազմման և համակարգման համար։ Սա ներառում է գործարանը (fixed plant), կույտային տարրալվացման հարթակները (HLF), ԱԴՎ գործարանը, ջարդման համակարգերը, պոմպային համակարգերը, խողովակաշարային ցանցերը և հարակից ենթակառուցվածքները։

Մեխանիկական աշխատանքների պլանավորման մասնագետը ապահովում է, որ սպասարկման աշխատանքները ճիշտ սահմանվեն, ապահովվեն անհրաժեշտ ռեսուրսներով և ժամանակացույցով՝ սարքավորումների հասանելիությունը, հուսալիությունը և անվտանգությունը առավելագույնի հասցնելու, ինչպես նաև դադարներն ու ծախսերը նվազագույնի հասցնելու նպատակով։

Մեխանիկական աշխատանքների պլանավորման մասնագետը կարևոր դեր ունի տեխնիկական սպասարկման ռազմավարությունները տեղամասի CMMS համակարգում ինտեգրելու և շարունակական բարելավման նախաձեռնություններին աջակցելու գործում։

Մշակել մեխանիկական սպասարկման աշխատանքների մանրամասն պլաններ (կանխարգելիչ, կանխատեսիչ և ուղղիչ սպասարկում)։

Սահմանել աշխատանքների ծավալը, աշխատուժը, նյութերը, գործիքները, թույլտվությունները, բարձրացման պահանջները և անվտանգության վերահսկողությունները։

Ստեղծել, վերանայել և օպտիմալացնել աշխատանքային հանձնարարականները համակարգչային տեխնիկական սպասարկման կառավարման համակարգում (CMMS) (օրինակ՝ SAP, Pronto, Maximo, Shepherd)։

Ապահովել, որ կուտակված աշխատանքները առաջնահերթացվեն և համապատասխանեն օպերացիոն պահանջներին։

Համակարգել շաբաթական և արտադրական կանգառների ժամանակացույցերը օպերացիոն և սպասարկման թիմերի հետ։

Ապահովել ռեսուրսների արդյունավետ բաշխում և արտադրության նվազագույն խափանումներ։

Բացահայտել և համակարգել աշխատուժը, պահեստամասերը և կապալառուներին։

Մատակարարման շղթայի բաժնի և մատակարարների հետ համագործակցությամբ վերահսկել սարքավորումների սպասարկման համար անհրաժեշտ նյութերի պահեստային մակարդակները և մատակարարումները՝ ապահովելու արտադրողականության և սարքավորումների արդյունավետության ցուցանիշների կատարումը։

Տրամադրել մեխանիկական տեխնիկական աջակցություն սպասարկման ռազմավարությունների և աշխատանքային ցուցակների մշակման ընթացքում։

Աջակցել կրկնվող սարքավորումների խափանումների պատճառների բացահայտմանը և խնդիրների լուծմանը։

Աջակցել կարճաժամկետ, միջնաժամկետ և երկարաժամկետ սպասարկման բյուջեների պատրաստմանը։

Վերլուծել սարքավորումների պատմությունը և խափանումների միտումները։

Աջակցել հուսալիության բարձրացման նախաձեռնություններին և շարունակական բարելավման ծրագրերին։

Ապահովել, որ բոլոր պլանավորված աշխատանքները համապատասխանեն տեղամասի անվտանգության չափանիշներին, LOTO ընթացակարգերին և օրենսդրական պահանջներին։

Աշխատանքային պլաններում ներառել ռիսկերի գնահատումներ։

Մշակել արտադրական կանգառների մանրամասն պլաններ։

Համակարգել կատարման ժամկետները և կարևոր փուլերի աշխատանքները։

Պահպանել պլանների, ժամանակացույցերի և կատարված աշխատանքների ճշգրիտ գրառումներ։

Պատրաստել KPI հաշվետվություններ (պլանավորված և չպլանավորված աշխատանքներ, ժամանակացույցի համապատասխանություն, PM համապատասխանություն) և ղեկավարության պահանջած այլ հաշվետվություններ։

Վերահսկել հիմնական արդյունավետության ցուցանիշները՝ սպասարկման պլանների և սարքավորումների արդյունավետության ցուցանիշների պահպանման նպատակով։

Բարձրագույն կրթություն մեխանիկական ճարտարագիտության ոլորտում կամ համարժեք որակավորում։

Արհեստագործական որակավորում (մեխանիկ)՝ առավելություն է։

Առնվազն 5 տարվա փորձ հանքարդյունաբերության կամ ծանր արդյունաբերության ոլորտում սպասարկման աշխատանքներում։

Փորձը ոսկու վերամշակման գործարաններում ցանկալի է։

Փորձ տեխնիկական սպասարկման պլանավորման և ժամանակացույցերի կազմման ոլորտում։

Փորձ համակարգչային տեխնիկական սպասարկման կառավարման համակարգերի (CMMS) հետ (SAP, Pronto, Maximo, Shepherd)։

Գիտելիքներ ոսկու վերամշակման գործարաններում օգտագործվող մեխանիկական սարքավորումների վերաբերյալ (պոմպեր, կոնվեյերներ, ջարդիչներ, խողովակաշարային համակարգեր, փականներ)։

Հիդրավլիկ և պնևմատիկ համակարգերի իմացություն։

Հեղուկ-պինդ խառնուրդների կառավարման համակարգերի և մաշվող մասերի վերաբերյալ գիտելիքներ։

Կույտային տարրալվացման (Heap Լeach) և ԱԴՎ գործարանների մեխանիկական համակարգերի իմացություն։

Տեխնիկական սպասարկման ռազմավարությունների գիտելիքներ (կանխարգելիչ սպասարկման սկզբունքներ)։

Մեկուսացման ընթացակարգերի և անվտանգության համակարգերի (LOTO) իմացություն։

Լուբրիկացիոն համակարգերի և վիճակի մոնիթորինգի հիմնական պատկերացում։

Ուժեղ պլանավորման և կազմակերպչական հմտություններ։

Մանրամասների նկատմամբ բարձր ուշադրություն և կառուցվածքային մոտեցում։

Մեխանիկական գծագրերի, P&ID-ների և տեխնիկական ձեռնարկների ընթերցման կարողություն։

Համակարգչային գրագիտություն (CMMS համակարգեր, MS Excel, հաշվետվական գործիքներ)։

Ուժեղ հաղորդակցման և համակարգման հմտություններ։

Վերլուծական մտածողություն և խնդիրների լուծման կարողություն։

Ճնշման տակ աշխատելու և ժամկետներ պահպանելու կարողություն։

Հետաքրքրված թեկնածուներին խնդրում ենք ուղարկել CV-ն HR@lydianarmenia.com էլեկտրոնային հասցեին՝ նամակի թեմայի դաշտում նշելով պաշտոնի անվանումը։