Inventory Controller

Your tasks

Պաշարների վերահսկման մասնագետը պատասխանատու է Ամուլսարի պահեստում և պաշարների պահպանման այլ վայրերում առկա նյութական պաշարների հաշվառման ճշգրտության, տվյալների հավաստիության և արդյունավետ վերահսկման ապահովման համար։

Մասնագետն իրականացնում է պաշարների վերահսկում NetSuite համակարգում, ներառյալ նյութերի հիմնական տվյալների և պահեստամասերի կատալոգի վարումը, պաշարների փաստացի առկայության ստուգումն ու հաշվառման տվյալների համադրումը, սերիական համարներով հաշվառվող և վերանորոգման ենթակա պահեստամասերի վերահսկումը, պիտանելիության ժամկետների և պաշարների մակարդակների կառավարումը։

Պաշտոնը նաև ներառում է կրիտիկական նշանակության նյութերի պահանջարկի, պակասուրդների և հրատապ պահանջների ցանկերի մշտադիտարկում՝ ապահովելով արտադրական գործընթացների պլանային դադարների և խոշոր տեխնիկական սպասարկման աշխատանքների համար անհրաժեշտ նյութերի ու պահեստամասերի պատրաստվածությունը։

• Ապահովել նյութական պաշարների ճշգրիտ հաշվառումը և պահեստում փաստացի առկա պաշարների համապատասխանությունը NetSuite համակարգում գրանցված տվյալներին։
• Ուսումնասիրել և պարզաբանել պաշարների հաշվառման անհամապատասխանությունները, գործարքների գրանցման շեղումները և պաշարների վերահսկման հետ կապված խնդիրները։
• Վարել և թարմացնել նյութերի հիմնական տվյալներն ու պահեստամասերի կատալոգը, ներառյալ նոր ANSI կոդերի և նյութերի հիմնական տվյալների ստեղծման հայտերի ներկայացումն ու համակարգումը։
• Կազմակերպել և վերահսկել պարբերական գույքագրումները, պաշարների փաստացի առկայության ստուգումները, հաշվառման տվյալների համադրումը և հաշվառման ճշգրտության վերաբերյալ հաշվետվությունների պատրաստումը։
• Ապահովել սերիական համարներով և առանց սերիական համարների հաշվառվող, վերանորոգվող կամ փոխարինման ենթակա, ինչպես նաև սահմանափակ պիտանելիության ժամկետ ունեցող պաշարների վերահսկումն ու հետագծելիությունը։
• Վարել կրիտիկական նշանակության նյութերի և պակասուրդների հրատապ ցանկերը՝ աջակցելով արտադրական գործընթացների պլանային դադարների և խոշոր տեխնիկական սպասարկման աշխատանքների համար անհրաժեշտ նյութերի ժամանակին հասանելիության ապահովմանը։
• Վերլուծել պաշարների օգտագործման ծավալները և ներկայացնել առաջարկություններ նվազագույն ու առավելագույն պաշարների մակարդակների, վերապատվիրումների և ապահովագրական պաշարների սահմանաչափերի վերաբերյալ՝ հաշվի առնելով պահանջարկը, մատակարարման ժամկետները և գործառնական կարիքները։
• Բացահայտել կրիտիկական նշանակության պահեստամասերի հասանելիության հետ կապված ռիսկերը, ինչպես նաև դանդաղ շրջանառվող, ավելցուկային, հնացած և հնարավոր ոչ անհրաժեշտ պաշարները։
• Վարել պաշարների վերահսկման արդյունավետության հիմնական ցուցանիշները (KPI) և աջակցել պաշարների կառավարման համակարգերի ու վերահսկման գործընթացների շարունակական բարելավմանը։

Requirements

• Մասնագիտական կամ բարձրագույն կրթությունը մատակարարման շղթայի կառավարման, պաշարների կառավարման, լոգիստիկայի, բիզնեսի կառավարման կամ հարակից ոլորտներում ցանկալի է։ Համապատասխան գործնական փորձը կարող է դիտարկվել որպես կրթությանը փոխարինող որակավորում։
• Առնվազն 3–5 տարվա աշխատանքային փորձ պաշարների վերահսկման, պահեստային տնտեսության, նյութատեխնիկական պաշարների կամ մատակարարման շղթայի կառավարման ոլորտներում, նախընտրելի է՝ հանքարդյունաբերության, վերամշակող կամ ծանր արդյունաբերության ոլորտներում։
• Պաշարների կառավարման ERP համակարգերի հետ աշխատանքի փորձ։ NetSuite համակարգի իմացությունը կդիտվի որպես առավելություն։
• Պահեստամասերի պաշարների կառավարման, նյութերի հիմնական տվյալների և կատալոգների վարման, ինչպես նաև տեխնիկական սպասարկման համար անհրաժեշտ նյութերի հաշվառման փորձը ցանկալի է։
• Պաշարների վերահսկման, պարբերական գույքագրումների, հաշվառման տվյալների համադրման և պահեստային պաշարների կառավարման սկզբունքների լավ իմացություն։
• Սերիական համարներով հաշվառվող պաշարների, վերանորոգվող և փոխարինվող բաղադրիչների, պիտանելիության ժամկետների վերահսկման, կրիտիկական նշանակության պահեստամասերի և պաշարների օպտիմալացման սկզբունքների իմացություն։
• Վերլուծական մտածողություն, տվյալների համադրման և խնդիրների լուծման զարգացած հմտություններ, բարձր ճշգրտություն և ուշադրություն մանրուքների նկատմամբ։
• ERP համակարգերի և MS Excel ծրագրի լավ իմացություն, պաշարների վերաբերյալ տվյալների վերլուծության հմտություններ։
• Հաղորդակցման և պահեստային տնտեսության, տեխնիկական սպասարկման, արտադրական և գնումների ստորաբաժանումների հետ արդյունավետ համագործակցելու կարողություն։
• Պաշարների հաշվառման անհամապատասխանություններն ուսումնասիրելու, դրանց հիմնական պատճառները բացահայտելու և վերահսկման գործընթացների բարելավմանն աջակցելու կարողություն։

How to apply

Հետաքրքրված թեկնածուներին խնդրում ենք դիմել staff.am հարթակով կամ ուղարկել CV-ն HR@lydianarmenia.com էլեկտրոնային հասցեին՝ նամակիթեմայիդաշտումնշելովպաշտոնիանվանումը։*