Construction Foreman

«ԳամմաՇին» ՍՊԸ-ն աշխատանքի է հրավիրում շինարարական աշխատանքների աշխղեկի ՝ լրիվ դրույքով աշխատանքի համար։

Աշխղեկը պատասխանատու է լինելու շինհրապարակում աշխատանքների ամենօրյա կազմակերպման և վերահսկման, աշխատողների և ենթակապալառուների աշխատանքների համակարգման, ինչպես նաև աշխատանքների՝ նախագծին, սահմանված ժամկետներին և որակի պահանջներին համապատասխան իրականացման համար։

Շինհրապարակում ամենօրյա աշխատանքների կազմակերպում և վերահսկում,

Աշխատանքային խմբերի և ենթակապալառուների աշխատանքների համակարգում և առաջադրանքների բաշխում,

Կատարվող աշխատանքների ծավալների, որակի և ժամկետների վերահսկում,

Նախագծերի, գծագրերի և տեխնիկական փաստաթղթերի ուսումնասիրություն և դրանց համապատասխան աշխատանքների կազմակերպում,

Կատարված աշխատանքների որակի ստուգում, թերությունների հայտնաբերում և դրանց վերացման կազմակերպում,

Շինարարական նյութերի և անհրաժեշտ ռեսուրսների պահանջարկի պլանավորում,

Աշխատանքի անվտանգության կանոնների պահպանման վերահսկում,

Շինհրապարակում առաջացող ընթացիկ տեխնիկական և կազմակերպչական խնդիրների լուծում,

Համագործակցություն նախագծի ղեկավարների, ինժեներների, պատվիրատուի ներկայացուցիչների և ենթակապալառուների հետ

Բարձրագույն կրթություն շինարարության, քաղաքացիական շինարարության կամ հարակից մասնագիտությամբ,

Շինարարության ոլորտում որպես աշխղեկ, շինհրապարակի ղեկավար կամ համանման պաշտոնում աշխատանքային փորձ,

Շինարարական նախագծեր և տեխնիկական գծագրեր կարդալու և հասկանալու կարողություն,

Շինարարական աշխատանքների տեխնոլոգիաների և օգտագործվող նյութերի լավ իմացություն,

Կատարվող աշխատանքների որակը վերահսկելու և նախագծային պահանջներից շեղումները հայտնաբերելու կարողություն,

Աշխատանքների կազմակերպման և մարդկանց ղեկավարելու ունակություն,

Պատասխանատվություն, կազմակերպվածություն և խնդիրներն ինքնուրույն լուծելու կարողություն,

Աշխատանքի անվտանգության հիմնական պահանջների իմացություն։

Աշխատավարձը, 650-800 հզ դրամ, կախված թեկնածուի որակավորումից։

Շինհրապարակը գտնվում է Երևանում։