Social Media Manager
«Խոստում» համահայկական նախաձեռնությունը փնտրում է փորձառու և ստեղծագործ SMM մասնագետի, որը պատասխանատու կլինի նախաձեռնության սոցիալական մեդիայի էջերի ամբողջական վարման, բովանդակության պլանավորման և լսարանի ներգրավվածության բարձրացման համար։
Փնտրում ենք մասնագետի, որը ոչ միայն հրապարակումներ կտեղադրի, այլև կկարողանա ձևավորել սոցիալական մեդիայի հստակ ռազմավարություն, ստեղծել ազդեցիկ բովանդակություն, պահպանել բրենդի հաղորդակցման միասնական ոճը և ապահովել չափելի արդյունքներ։
- Խոստում» նախաձեռնության սոցիալական մեդիայի էջերի ամբողջական վարում,
- սոցիալական մեդիայի ռազմավարության և ամսական կոնտենտ պլանի մշակում,
- հրապարակումների, Stories-ի, Reels-ի և այլ ձևաչափերի թեմաների ու գաղափարների մշակում,
- հայերեն գրագետ և բրենդի ոճին համապատասխան տեքստերի պատրաստում,
- հրապարակումների ժամանակացույցի կազմում և նյութերի ժամանակին տեղադրում,
- ռիլմեյքերի, դիզայների և մարքեթինգի ղեկավարի հետ համատեղ աշխատանքի կազմակերպում,
- նկարահանման համար տեխնիկական առաջադրանքների և կոնտենտային սցենարների պատրաստում,
- սոցիալական մեդիայի էջերին ուղղված մեկնաբանություններին և անձնական հաղորդագրություններին ժամանակին, գրագետ և «Խոստում»-ի հաղորդակցման ոճին համապատասխան պատասխանների տրամադրում,
- լսարանի ներգրավվածության, հասանելիության և էջերի աճի ապահովում,
- սոցիալական մեդիայի գովազդային արշավների առաջարկում և մասնակցություն դրանց իրականացմանը,
- էջերի վիճակագրության մշտադիտարկում, արդյունքների վերլուծություն և հաշվետվությունների ներկայացում,
- սոցիալական մեդիայի նոր ձևաչափերի, գործիքների և միտումների ուսումնասիրություն,
- միջոցառումների, հանդիպումների և նախաձեռնության այլ նախագծերի առցանց լուսաբանում,
- անհրաժեշտության դեպքում՝ ՀՀ մարզեր գործուղումների մասնակցություն։
- Երևանի գրասենյակից աշխատելը պարտադիր է (IN OFFICE),
- SMM ոլորտում առնվազն 3 տարվա աշխատանքային փորձ,
- սոցիալական մեդիայի էջերի ռազմավարական վարման հաստատված փորձ,
- Instagram-ի, Facebook-ի գործիքների ու ալգորիթմների լավ իմացություն,
- կոնտենտ ռազմավարություն և հրապարակումների պլան մշակելու կարողություն,
- հայերեն գրագետ և ազդեցիկ տեքստեր գրելու բարձր կարողություն,
- Reels-ի, Stories-ի և այլ ժամանակակից ձևաչափերի լավ իմացություն,
- Meta Business Suite-ի և Meta Ads Manager-ի հետ աշխատելու փորձ,
- սոցիալական մեդիայի արդյունքները վերլուծելու և բարելավման լուծումներ առաջարկելու կարողություն,
- բրենդի հաղորդակցման միասնական ոճը պահպանելու հմտություն,
- ստեղծագործական գաղափարներ մշակելու և թիմին հստակ առաջադրանքներ փոխանցելու կարողություն,
- ինքնուրույն աշխատելու, աշխատանքները պլանավորելու և ժամկետները պահպանելու ունակություն,
- բարձր պատասխանատվություն, նախաձեռնողականություն և մանրուքների նկատմամբ ուշադրություն,
- կատարված աշխատանքների պորտֆոլիոյի պարտադիր առկայություն։
Դիմելու համար անհրաժեշտ է ներկայացնել ինքնակենսագրական և վարված սոցիալական մեդիայի էջերի կամ իրականացված նախագծերի օրինակներ՝ նշելով թեկնածուի կատարած աշխատանքը և գրանցված արդյունքները։
Միայն հրապարակումներ տեղադրելու փորձը բավարար չէ։ Դիտարկվելու են բովանդակության ռազմավարություն մշակելու, գրագետ տեքստեր գրելու և էջերի աճի համար պատասխանատվություն ստանձնելու փորձ ունեցող թեկնածուները։
Ընտրության ընթացքում կարող է առաջարկվել գործնական առաջադրանք։
Աշխատավարձը՝ մրցակցային և պայմանագրային՝ կախված թեկնածուի փորձից, մասնագիտական մակարդակից և պորտֆոլիոյից։