ԳՈՐԾԸՆԿԵՐՈՒԹՅԱՆ ԵՎ ՄԻՋՈՑԱՌՈՒՄՆԵՐԻ ՄԱՍՆԱԳԵՏ
«Հայաստան» համահայկական հիմնադրամ
Աշխատավայր՝ Երևան, Բաղրամյան 26/1 Զբաղվածության տեսակ՝ ամբողջ դրույք Աշխատանքի ձևաչափ՝ առկա
Աշխատանքի նկարագրություն
«Հայաստան» համահայկական հիմնադրամը հայտարարում է «Գործընկերության և միջոցառումների մասնագետ» թափուր հաստիքի մրցույթ։
Նպատակն է՝
Ապահովել Հիմնադրամի գործընկերային հարաբերությունների զարգացումը, ռազմավարական և գործնական գործընկերների ներգրավումը, դրամահավաքային, հանրային և ներկայացուցչական միջոցառումների պլանավորումն ու համակարգումը, ինչպես նաև աջակցել Հիմնադրամի թվային և սոցիալական մեդիա ներկայության զարգացմանը՝ Հիմնադրամի զարգացման և դրամահավաքի նպատակների իրականացման համար։
Հիմնական պարտականություններ
- Բացահայտել և զարգացնել համագործակցության հնարավորություններ գործող և պոտենցիալ գործընկերների հետ։
- Մասնակցել գործընկերային ծրագրերի և նախաձեռնությունների մշակման ու իրականացման գործընթացներին։
- Նախաձեռնել և համակարգել դրամահավաքային միջոցառումների կազմակերպումը։
- Ապահովել միջոցառումների նախապատրաստման, իրականացման և հետադարձ գնահատման գործընթացները։
- Համակարգել գործընկերների, հովանավորների և այլ շահակից կողմերի հետ հաղորդակցությունը միջոցառումների շրջանակում։
- Պատրաստել գործընկերությունների և միջոցառումների վերաբերյալ տեղեկատվական, ներկայացուցչական և հաշվետու նյութեր։
- Վարել գործընկերների տվյալների բազան և ապահովել դրա պարբերական թարմացումը։
- Ներկայացնել առաջարկություններ գործընկերային ցանցի ընդլայնման և դրամահավաքային հնարավորությունների զարգացման ուղղությամբ։
- Մասնակցել Հիմնադրամի սոցիալական մեդիայի հարթակների բովանդակության պլանավորմանը, միջոցառումների և գործընկերային նախաձեռնությունների լուսաբանման կազմակերպմանը և թվային ներգրավվածության բարձրացմանն ուղղված գործողություններին։
- Նպաստել Հիմնադրամի ծրագրերի և նախագծերի հաջող իրականացմանը՝ ապահովելով իր պատասխանատվության ոլորտում սահմանված ծրագրային ցուցանիշների, ժամկետների և արդյունքների իրականացումը։
Պահանջներ
- Բարձրագույն կրթություն մարքեթինգի, հաղորդակցության, հանրային կապերի, միջազգային հարաբերությունների, կառավարման կամ հարակից ոլորտում։
- Գործընկերությունների, միջոցառումների կազմակերպման, հանրային կապերի, հաղորդակցության կամ շահակիցների հետ աշխատանքի ոլորտներում աշխատանքային փորձ։
- Գործընկերային հարաբերությունների զարգացման, միջոցառումների կազմակերպման, սոցիալական մեդիայի բովանդակային աջակցության, հաղորդակցական նյութերի պատրաստման և տվյալների բազաների վարման սկզբունքների իմացություն։
- Գործընկերների, հովանավորների և շահակիցների հետ աշխատանքների համակարգման, միջոցառումների կազմակերպման, տեղեկատվական և ներկայացուցչական նյութերի պատրաստման հմտություններ։
- Հայերենի գերազանց իմացություն, անգլերենի իմացություն՝ B2 մակարդակով, ռուսերենի աշխատանքային իմացություն։
- Արհեստական բանականության (AI) գործիքներն աշխատանքային առաջադրանքների կատարման համար արդյունավետ կիրառելու հմտություն։
- Microsoft Office և թվային հաղորդակցության գործիքների կիրառման հմտություններ։
- Հաղորդակցման, կազմակերպչական, հարաբերությունների կառուցման, նախաձեռնողականության և թիմային աշխատանքի կարողություններ։
Ուղարկեք Ձեր ինքնակենսագրականը և մոտիվացիոն նամակի թեմայում նշելով «Գործընկերության և միջոցառումների մասնագետ»։
Դիմումների ընդունման վերջնաժամկետ՝ նոյեմբերի 30-ը։