ՓՈԽՏՆՕՐԵՆ / ԱՆՁՆԱԿԱԶՄԻ ՂԵԿԱՎԱՐ

«Հայաստան» համահայկական հիմնադրամ

Աշխատավայր՝ Երևան, Բաղրամյան 26/1 Զբաղվածության տեսակ՝ ամբողջ դրույք Աշխատանքի ձևաչափ՝ առկա

Աշխատանքի նկարագրություն

«Հայաստան» համահայկական հիմնադրամը հայտարարում է «Փոխտնօրեն / անձնակազմի ղեկավար» թափուր հաստիքի մրցույթ։

Նպատակն է՝

Ապահովել Հիմնադրամի ֆինանսական, մարդկային ռեսուրսների, վարչարարական և ներքին կառավարման համակարգերի արդյունավետ գործունեությունը՝ նպաստելով կազմակերպության ռազմավարական նպատակների իրականացմանը, կազմակերպական արդյունավետության բարձրացմանը և աշխատակիցների մասնագիտական ներուժի զարգացմանը։

Հիմնական պարտականություններ

• Ղեկավարել Ապահովման ուղղության գործունեությունը և ապահովել ենթակա ստորաբաժանումների համակարգված աշխատանքը։
• Մշակել և իրականացնել մարդկային ռեսուրսների կառավարման քաղաքականությունները, ընթացակարգերը և գործընթացները։
• Համակարգել աշխատակիցների ընտրության, ընդունման, գնահատման, զարգացման և պահման գործընթացները։
• Վերահսկել Հիմնադրամի ֆինանսական, իրավական, գնումների և պայմանագրերի կառավարման, վարչական, գործավարական և գրասենյակային գործառույթների համակարգումը և դրանց արդյունավետ իրականացումը։
• Ղեկավարել Հիմնադրամի ֆինանսական պլանավորման և բյուջետավորման գործընթացները՝ ապահովելով տարեկան բյուջեի կազմումը, դրա կատարման մշտադիտարկումը և անհրաժեշտ ճշգրտումների ներկայացումը։
• Վերահսկել Հիմնադրամի դրամական հոսքերի, եկամուտների, ծախսերի և ֆինանսական պարտավորությունների կառավարումը՝ նպաստելով ֆինանսական կայունության և վճարունակության ապահովմանը։
• Վերահսկել հաշվապահական հաշվառման, հարկային պարտավորությունների կատարման և ֆինանսական հաշվետվությունների պատրաստման գործընթացները՝ ապահովելով դրանց ճշգրտությունը, ամբողջականությունն ու ժամանակին ներկայացումը։
• Ապահովել ֆինանսական և կառավարչական հաշվետվությունների, բյուջեի կատարման վերլուծությունների և կանխատեսումների պատրաստումն ու ներկայացումը գործադիր տնօրենին։
• Մշակել և կատարելագործել ֆինանսական կառավարման, ծախսերի վերահսկման, վճարումների հաստատման և ֆինանսական իրավասությունների բաշխման ներքին ընթացակարգերը։
• Վերահսկել Հիմնադրամի միջոցների նպատակային և արդյունավետ օգտագործումը, բացահայտել ֆինանսական շեղումներն ու ռիսկերը և ներկայացնել համապատասխան կանխարգելիչ կամ ուղղիչ առաջարկություններ։
• Համակարգել արտաքին և ներքին աուդիտի գործընթացները, ապահովել պահանջվող տեղեկատվության տրամադրումը և վերահսկել աուդիտորական առաջարկությունների կատարումը։
• Ապահովել կազմակերպական կառուցվածքի, հաստիքացուցակի և աշխատուժի պլանավորման մշտադիտարկումը և կատարելագործումը։
• Ապահովել գործավարության իրականացումը սահմանված կարգի համաձայն։
• Ղեկավարել կատարողականի կառավարման, իրավահաջորդության պլանավորման և տաղանդների զարգացման գործընթացները։
• Համակարգել ներքին վարչարարական գործընթացների և գործառնական աջակցության կազմակերպումը։
• Ապահովել աշխատանքային օրենսդրության և ներքին կարգավորումների պահանջների պահպանումը։
• Գործադիր տնօրենին ներկայացնել կազմակերպական զարգացման, մարդկային ռեսուրսների և կառավարման արդյունավետության վերաբերյալ առաջարկություններ և հաշվետվություններ։
• Նպաստել Հիմնադրամի ծրագրերի և նախագծերի հաջող իրականացմանը՝ ապահովելով իր պատասխանատվության ոլորտում սահմանված ծրագրային ցուցանիշների, ժամկետների և արդյունքների իրականացումը։

Պահանջներ

• Բարձրագույն կրթություն ֆինանսների, տնտեսագիտության, հաշվապահական հաշվառման, բիզնեսի կառավարման, կառավարման կամ հարակից ոլորտում։
• Ֆինանսական կառավարման, գործառնական կառավարման կամ վարչարարության ոլորտներում առնվազն 3 տարվա ղեկավար աշխատանքային փորձ, այդ թվում՝ տարբեր գործառնական ուղղությունների և թիմերի համակարգման փորձ։
• Ֆինանսական պլանավորման, բյուջետավորման, դրամական հոսքերի կառավարման, ֆինանսական վերլուծության, կառավարչական հաշվետվողականության և ներքին վերահսկողության սկզբունքների իմացություն։
• Հաշվապահական հաշվառման և հարկային կարգավորման հիմնական պահանջների իմացություն՝ համապատասխան գործընթացների նկատմամբ կառավարչական վերահսկողություն իրականացնելու համար։
• Մարդկային ռեսուրսների կառավարման, աշխատուժի պլանավորման, կատարողականի կառավարման և կազմակերպական զարգացման հիմնական սկզբունքների իմացություն։
• Վարչարարության, գնումների, պայմանագրերի կառավարման և կազմակերպության գործունեության ապահովման գործընթացների համակարգման փորձ։
• Ներքին քաղաքականությունների և ընթացակարգերի մշակման, կառուցվածքային փոփոխությունների իրականացման և գործառնական գործընթացների բարելավման փորձ։
• Բյուջեների, ֆինանսական և կառավարչական հաշվետվությունների, վերլուծական նյութերի ու կառավարչական առաջարկությունների պատրաստման և գնահատման հմտություններ։
• Microsoft Office ծրագրերի, մասնավորապես՝ Excel-ի, ինչպես նաև ֆինանսական և կառավարչական տվյալների մշակման գործիքների կիրառման հմտություններ։
• Հայերենի գերազանց իմացություն և անգլերենի իմացություն՝ B2 մակարդակով։
• Արհեստական բանականության (AI) գործիքներն աշխատանքային առաջադրանքների կատարման համար արդյունավետ կիրառելու հմտություն։
• Առաջնորդության, ռազմավարական և վերլուծական մտածողության, միջգործառութային համակարգման, մարդկանց և փոփոխությունների կառավարման, բանակցությունների վարման, որոշումների կայացման և արդյունքակենտրոն աշխատանքի կարողություններ։
• Ֆինանսական կառավարման, հաշվապահական հաշվառման կամ կառավարման ոլորտներում միջազգային մասնագիտական հավաստագրերի առկայությունը կդիտվի որպես առավելություն։

Ուղարկեք Ձեր ինքնակենսագրականը և մոտիվացիոն նամակը նամակի թեմայում նշելով «Փոխտնօրեն / անձնակազմի ղեկավար»։

Դիմումների ընդունման վերջնաժամկետ՝ նոյեմբերի 30-ը։