Badevakt/Badebetjent - 13,28 % fast stilling

Ved Dovre svømmehall er det frå snarast ledig 13,28 % fast stilling som badevakt/badebetjent.

Dovre svømmehall ligg på Dombås, samlokalisert med Dovre ungdomsskule, og er ein viktig møteplass for fysisk aktivitet, trivsel og folkehelse i lokalsamfunnet. Svømmehallen er open i perioden 1. september til 1. mai, og stillinga følgjer dei vedtekne opningstidene:

tysdag og torsdag kl. 18.00-21.00

ein laurdag per månad

ein dag i haustferien

ein dag i juleferien

ein dag i vinterferien

ein dag i påskeferien

Det er politisk vedteke drift av svømmehallen for 2026. Organisering og omfang av stillinga kan derfor bli endra frå 01.01.2027.

Arbeidsoppgåver

tilsyn med badegjester under opningstid

bidra til trygg og forsvarleg drift av svømmehallen

opning og stenging av anlegget etter gjeldande rutinar

enkle reinhalds- og vedlikehaldsoppgåver

handtering av situasjonar som krev førstehjelp eller livredning

Kompetansekrav

gode svømmeferdigheiter

fylt 18 år

gode kommunikasjonsevner overfor barn, ungdom og vaksne

Kompetanseønske

erfaring frå arbeid med menneske

erfaring frå servicearbeid, idrett eller frivillig arbeid

Vi vil gjerne ha din søknad dersom du

er trygg, ansvarsbevisst og påliteleg

er observant og har fokus på tryggleik

kan opptre roleg og handlekraftig dersom det oppstår krevjande situasjonar

er serviceinnstilt, møter publikum på ein positiv måte og bidreg til eit inkluderande og triveleg miljø for alle brukarar

arbeider sjølvstendig og følgjer rutinar

har interesse for helse og fysisk aktivitet

Personleg eignaheit blir vektlagt.

Nødvendig opplæring vil bli gjeve. Du må bestå livredningsprøve kvart år, og dette inngår som ein del av opplæringa.

Vi tilbyr deg eit spennande og samfunnsnyttig arbeidsområde, løn etter tariff og pensjonsordning i KLP. For øvrig gjeld vanlege kommunale tilsetjingsvilkår.

Nærare opplysningar får du ved å kontakte rektor Sissel Øwre på tlf. 959 25 839 eller e-post: sissel.owre@dovre.kommune.no

Kopiar av vitnemål og attestar ber vi om at du tek med til eit eventuelt intervju.

Vi gjer merksam på at namn på søkjar kan bli offentleggjort sjølv om det blir bedt om unntak frå dette, jf. offentleglova § 25. Søkjarane vil i så fall bli varsla på førehand.