Fagarbeidar vegdrift
Har du lyst på utfordrande arbeidsoppgåver i verdas beste vesle Stad? Vi søkjer etter driftspersonell i driftsgruppe Vegdrift og park.
Kommunalteknikk er ei eining under kommunalområdet Kultur og Samfunn i Stad kommune, saman med Eigedom, Kultur, Plan og forvaltning og Brann. Kommunalteknikk har ansvaret for all offentleg infrastruktur i kommunen. Vi driftar og vedlikeheld kommunalt vegnett, parkanlegg, kommunale hamner, kommunaltekniske anlegg og infrastruktur knytt til vassforsyning, avløp og overvasshandtering.
Vi har ein brei bil-, maskin- og utstyrspark, og vi har eigen verkstad i Øyane på Nordfjordeid.
Fagarbeidar i driftsgruppe Vegdrift og park vil primært vere knytt opp mot kommunal vegdrift og tilhøyrande naudsynt vegvedlikehald. Dagleg oppmøtestad er i Øyane på Nordfjordeid. Arbeidsoppgåvene vil finne stad både i indre og ytre del av kommunen.
Arbeidsoppgåver
- Utføre planlagte og akutte vedlikehaldstiltak på kommunal veg og tilhøyrande veganlegg.
- Delta i kartlegging av vedlikehaldsbehov knytt til vegdrift – planlegging, førebuing og gjennomføring
- Delta i mindre vegprosjekt som Stad kommune utfører i eigen regi
- Går for tida inn i kommunalt beredskapslag for brøyting (november – mars)
- Utføre skoging/skogsarbeid/trefelling/trebeskjæring
- Deltaking i øvrig kommunalteknisk drift ved behov
- Deltaking i parkdrift ved behov
- Dokumentere oppdrag/drift ved hjelp av digitale verktøy
- Rapporterer til driftsleiar
Kvalifikasjonar
- Fagbrev innan veg- og anleggsfaget eller tilsvarande
- Maskinførarbevis M2, M4
- Erfaring frå brøyting og bruk av brøyteutstyr
- Erfaring med traktor og anleggsmaskiner
- Erfaring frå tilsvarande vegdrift og anleggsarbeid er ønskeleg
- Erfaring frå skogsarbeid/trefelling er ønskeleg
- Erfaring med HMS i praksis vil bli vektlagt
- Førerkort kl. B og BE er eit krav
- Førerkort kl T er eit krav – utan bregrensning på last og hastighet
- Motorsagkurs er ønskeleg
- God erfaring med bruk av digitale verktøy er ønskeleg
- Villig til opplæring/kursing.
Personlege eigenskapar
- Du er opptatt av helse, miljø og tryggleik.
- Du er allsidig, strukturert og ryddig.
- Du har gode samarbeidsevner, og du kan ta eit sjølvstendig ansvar.
- Du tek initiativ og har ei god serviceinnstilling.
- Du er praktisk og løysingsorientert.
- Du trivst med å lære nye ting og er kvalitetsbevisst.
- Du har gode kommunikasjonsevner.
Vi tilbyr
- Utfordrande og svært varierte arbeidsoppgåver - ingen dag er lik!
- Godt arbeidsmiljø
- Løn etter kommunale vilkår i samsvar med gjeldande lov- og avtaleverk
- Gode pensjons- og forsikringsordningar
- Busette i Stad kommune i minst eitt år kan søkje Lånekassen om å få sletta delar av studielånet sitt
Vi ber om at attestar, vitnemål og relevante referansar vert lagt ved søknaden.
Stad kommune har seks månader prøvetid. Poitiattest skal leggast fram før start i stillinga. Aktuelle søkjarar må ha førarkort. Vi gjer merksame på at etter § 25 i offentleglova kan opplysningar om søkjaren bli offentlege sjølv om søkjar oppmodar om ikkje å bli ført opp på søkjarlista. Oppmoding om unnatak må grunngjevast.
Ring gjerne for ein prat! Hilde Hovden, einingsleiar kommunalteknikk, tlf. 92612855
Kontaktinformasjon
Hilde Hovden, Einingsleiar kommunalteknikk, 92612855, Hilde.Hovden@stad.kommune.no
Arbeidsstad
6770 Nordfjordeid
Nøkkelinformasjon:
Arbeidsgivar: Stad kommune
Referansenr.: 5144473886 Stillingsprosent: 100% Fast Søknadsfrist: 16.08.2026
Om arbeidsgiveren:
Stad kommune har om lag 9 600 innbyggjarar og ligg midt i Nordfjord heilt nord i Vestland fylke. Kommunen består av fleire livskraftige tettstader og strekkjer seg frå storhavet i vest til fjell- og fjordlandskap i aust. Her finn du Vestkapp, surfemiljø i Hoddevika, Selja kloster, Harpefossen skisenter, vikingsenteret Sagastad, Malakoff-festivalen, Opera Nordfjord og Europas djupaste innsjø, Hornindalsvatnet. Kommunen har ledige bustadtomter, gode kommunale tenester, eit variert næringsliv og innbyggjarar med initiativ og pågangsmot. Stad kommune har som overordna mål å bli fleire. Vi treng deg som ønskjer å flytte til kommunen vår, og vi treng deg som har budd ute ei stund og ønskjer å flytte heim. Vi ønskjer å utvikle eit livskraftig og trygt samfunn der vi alle dreg i lag. I Stad kommune vil du møte lokalsamfunn som skil seg ut. Kommunen er stor nok til å gje deg rom og la deg leve ut draumane dine, og liten nok til å sjå deg og ta vare på deg. Vi ønskjer deg med på laget!