Bibliotekmedarbeidar

Om selskapet

Biblioteka i Haram består av Brattvåg bibliotek, Eidet bibliotek, Lepsøy bibliotek, Haramsøy bibliotek og Longva bibliotek. Arbeidsplass blir i hovudsak for tida på Eidet bibliotek.

På Haramsbiblioteka møtast folk på tvers av alder, kjønn, utdanning, demografi og etnisitet. I tillegg til rettleiing, tilbyr vi innbyggarane ulike arrangement, som til dømes barnehage- og skulebesøk, forfattarbesøk, seniortreff og babytreff.

Haramsbiblioteka satsar på både det fysiske og det digitale biblioteket.

Haram kommune er oppteken av gode, heilskaplege tenester, og har fokus på arbeid på tvers av tenesteområda for å skape gode tenester for innbyggarane våre. I Haram jobbar vi for å spele kvarandre gode.

Om arbeidsgiveren Haram kommune har om lag 9400 innbyggarar. Haram er ein av fylket sine fremste industrikommunar, og med stolte skipsbyggartradisjonar er Haram ein viktig del av den maritime klynga på Sunnmøre. Heile 47 prosent av arbeidsplassane i kommunen er i industrien. I tillegg har Haram viktige framtidsretta arbeidsplassar i den marine næringsmiddelindustrien. Fiskeri er også ei viktig næring i kommunen.

Haram har eit rikt idretts- og kulturliv, med stor aktivitet innan kor, korps, teater og ungdomsarbeid. Fjord, fjell og nydeleg natur rett utanfor stovedøra gir også svært mange moglegheiter for ulike typar friluftsliv overalt i kommunen.

Arbeidsoppgaver

Haramsbiblioteka har seks tilsette. Alle tilsette utfører skrankearbeid, hjelper besøkande, følger opp bestillingar, utlån og innlevering. Alle hjelper også til ved planlegging og gjennomføring av arrangement. I tillegg kan andre oppgåver påreknast. Vi er omstillingsdyktige og opptekne av utvikling. Målet vårt er at biblioteka skal vere stader for folkeopplysning og livslang læring. Samtidig bidreg vi til å redusere einsemd og forskjellar i samfunnet ved å vere ein gratis møteplass for alle.

Arbeidsoppgåver

• Skrankearbeid
• Jobbe i biblioteksystemet Bibliofil – opplæring vil bli gitt
• Rydde og sette på plass bøker
• Rettleie besøkande, blant anna ved å finne rett bok til rett lesar, også med digital hjelp
• Bistå i planlegging og gjennomføring av arrangement

Andre arbeidsoppgåver kan førekome.

Krav

Dersom du er glad i både menneske og litteratur, har vi trua på at du er den rette søkaren.

Kvalifikasjonar

• Ønskeleg med relevant utdanning og/eller erfaring
• Gode norskkunnskapar, både skriftleg og munnleg
• God kompetanse i bruk av digitale verktøy
• Erfaring frå kundebehandling
• Ønskeleg med erfaring frå arbeid med barn

Personlege eigenskapar

• Positiv
• Kreativ
• Pedagogisk
• Kommunisere godt med alle typer menneske
• Hjelpsam og serviceinnstilt
• Balanse mellom å vere sjølvstendig og ha evne til godt samarbeid
• Eit blikk for oppgåver som må gjerast

Vi tilbyr

Vi tilbyr

• Muligheit til å gjere ein forskjell i dei besøkande sine liv
• Ein variert arbeidskvardag som du kan vere med å forme
• Eit godt arbeidsmiljø med dyktige medarbeidarar
• Løn i samsvar med gjeldande tariffavtalar
• God pensjonsordning

Bur du i Haram kommune og er i jobb, kan du etter eitt år få sletta 25 000 kroner av studielånet ditt per år. Les meir om ordninga her: Sletting av gjeld i utvalgte kommuner

Søknad

Kontaktinformasjon Petter Sortevik, Stabssjef, 95479474, petter.sortevik@haram.kommune.no Eva Ulla Myren, Bibliotekleiar, 98897422, Eva.Ulla.Myren@haram.kommune.no

Arbeidsstad Vatnevegen 41 6265 Vatne

Nøkkelinformasjon: Arbeidsgivar: Haram kommune

Annet

Haram kommune søker etter bibliotekmedarbeidar i 5 % fast stilling med arbeid anna kvar laurdag.

Referansenr.: 5195118269 Stillingsprosent: 5% Fast Startdato: 02.01.2027 Søknadsfrist: 01.11.2026

Haram kommune ligg lett tilgjengeleg på Sunnmøre, 40 minutts køyretur frå Ålesund sentrum, 35 minutt frå Moa-området og 45 minutt frå Ålesund Lufthavn, Vigra. Kommunesenteret finn du i Brattvåg, men kommunen har og fleire andre tettstadar; Vatne/Tennfjord, Søvik og Austnes.