Artistic Programs Coordinator
Հայաստանի պետական սիմֆոնիկ նվագախումբը փնտրում է Գեղարվեստական ծրագրերի համակարգող, ով կմիանա մեր թիմին և կմասնակցի համերգային ծրագրերի ձևավորմանն ու իրականացմանը՝ համատեղելով երաժշտական գիտելիքը, հետազոտական աշխատանքը և կազմակերպչական հմտությունները։
Այս դերը կհամապատասխանի այն մասնագետին, ով հետաքրքրված է երաժշտությամբ, սիրում է ուսումնասիրել նոր ստեղծագործություններ և բացահայտել հեղինակների, ուշադրություն է դարձնում մանրուքներին և կարողանում է միաժամանակ աշխատել տարբեր գործընթացների ու մեծածավալ տեղեկատվության հետ։
Մասնակցել նվագախմբի համերգային և գեղարվեստական ծրագրերի մշակմանն ու ձևավորմանը։
Իրականացնել երաժշտական ստեղծագործությունների, հեղինակների և կատարողների վերաբերյալ տեղեկատվության որոնում, հավաքագրում, ուսումնասիրություն և վերլուծություն։
Ուսումնասիրել միջազգային երաժշտական գործընթացներն ու համերգային ծրագրերը՝ նոր գաղափարներ և համագործակցության հնարավորություններ բացահայտելու նպատակով։
Պատրաստել համերգային ծրագրերի ձևավորման և իրականացման համար անհրաժեշտ մասնագիտական, տեղեկատվական և աշխատանքային նյութերը։
Համակարգել ստեղծագործությունների, հեղինակների, կատարողների և ծրագրերի վերաբերյալ տեղեկատվությունը, վարել և թարմացնել համապատասխան տվյալների բազաները։
Մասնակցել համերգների, փորձերի, ձայնագրությունների, հյուրախաղերի և այլ գեղարվեստական նախագծերի նախապատրաստման և իրականացման աշխատանքներին։
Հետևել գեղարվեստական ծրագրերի նախապատրաստման ընթացքին, համակարգել ընթացիկ հարցերը և ապահովել անհրաժեշտ տեղեկատվության ժամանակին փոխանցումը։
Իրականացնել գեղարվեստական ծրագրերի հետ կապված այլ ընթացիկ և նախագծային առաջադրանքներ։
Բարձրագույն երաժշտական կրթություն։
Առնվազն 2 տարվա աշխատանքային փորձ երաժշտության, մշակույթի կամ հարակից ոլորտում։
Երաժշտական ստեղծագործությունների և համերգային ծրագրերի վերաբերյալ լավ մասնագիտական գիտելիքներ։
Երաժշտական նյութերի և տեղեկատվության որոնման, ուսումնասիրության և վերլուծության հմտություններ։
Համերգային և աշխատանքային գործընթացները կազմակերպելու և համակարգելու կարողություն։
Բանավոր և գրավոր հաղորդակցման լավ հմտություններ։
MS Office, Google Workspace և Trello գործիքների իմացություն։
Տեղեկատվությունը համակարգելու, տվյալների բազաներ վարելու և ֆայլերի հետ աշխատելու հմտություններ։
Պատասխանատվության բարձր զգացում, նախաձեռնողականություն, ճկունություն և թիմում աշխատելու կարողություն։
Անգլերենի լավ իմացություն՝ առնվազն B2 մակարդակով (բանավոր և գրավոր)։
Աշխատանքը կապված է համերգների, փորձերի, ձայնագրությունների, հյուրախաղերի և միջազգային նախագծերի հետ։
Կաշխատեք սերտ համագործակցությամբ նվագախմբի ղեկավարության, երաժիշտների և թիմի տարբեր անդամների հետ։
Կունենաք հնարավորություն մասնակցելու նոր համերգային ծրագրերի ձևավորմանն ու երաժշտական նոր նյութերի բացահայտմանը։
Աշխատանքը պահանջում է միաժամանակ մի քանի գործընթացների համակարգում, ուշադրություն մանրուքների նկատմամբ և արագ կողմնորոշվելու կարողություն։