Vil du leia to viktige tenester i Suldal kommune?
Suldal kommune søkjer ein engasjert og utviklingsorientert avdelingsleiar i 100 % vikariat for perioden 01.10.2026–30.09.2027.
Som avdelingsleiar får du ansvar for Bad & idrett og introtenesta, to verksemder som spelar ei viktig rolle for folkehelse, inkludering og samfunnsutvikling i kommunen. Me søkjer deg som er ein tydeleg leiar, byggjer gode relasjonar og trivst med ansvar for både menneske, drift og utvikling.
Stillinga inngår i leiargruppa for Kultur og Intro og rapporterer til einingsleiar.
Om stillinga
Bad & idrett omfattar drift av Suldal Bad, Suldalshallen, Sandhallen og Sentralidrettsanlegget.
Introtenesta har ansvar for busetting, kvalifisering og integrering av flyktningar og andre innvandrarar, og samarbeider tett med vaksenopplæringa, NAV, kommunale tenester og næringslivet.
Begge tenestene har kompetente og engasjerte medarbeidarar, og på begge områda vil du bli støtta av dyktige fagleiarar. Stillinga gir derfor høve til å arbeida både strategisk og operativt med leiing, utvikling og arbeidsmiljø. Tenestene leverer gode resultat og har eit godt grunnlag ein kan vidareutvikla.
25 % av stillinga er knytt til rolla som dagleg leiar av Suldal Bad Publikum AS.
Begge tenestene står framfor utviklings- og omstillingsprosessar. Me søkjer derfor ein leiar som kan skapa retning, byggja gode arbeidsmiljø og leggja til rette for vidare utvikling av tenestene.
Arbeidsoppgåver
- Personal-, fag- og økonomiansvar for Bad & idrett og introtenesta
- Leie, motivera og følgja opp medarbeidarar og fagleiarar
- Sikra god kvalitet, internkontroll og måloppnåing i tenestene
- Bidra til utvikling av organisasjon, arbeidsmiljø og tenestetilbod
- Oppfølging av budsjett, rapportering og økonomistyring
- Delta aktivt i eininga sitt utviklings- og omstillingsarbeid
- Samarbeida med kommunale tenester, offentlege aktørar og andre relevante samarbeidspartnarar
Arbeidsoppgåvene kan bli justerte i takt med utviklinga av tenestene.
Kven ser me etter?
Me søkjer først og fremst ein trygg og tydeleg leiar med gode samarbeidsevner. Erfaring med leiing, personaloppfølging og organisasjonsutvikling vil bli tillagt stor vekt.
Det er ein fordel om du har erfaring frå eitt eller fleire av følgjande område:
- Bad- og idrettsdrift
- Kultur- og fritidssektoren
- Integrerings- og kvalifiseringsarbeid
Kvalifikasjonar
- Relevant høgare utdanning
- Relevant erfaring kan kompensera for delar av utdanningskravet
- Erfaring frå leiing, prosjektleiing eller fagleg koordinering
- God økonomi- og organisasjonsforståing
- Gode samarbeids- og kommunikasjonsevner
- God skriftleg og munnleg framstillingsevne på norsk
- God digital kompetanse
Personlege eigenskapar
Me legg stor vekt på personlege eigenskapar. Me ønskjer ein leiar som:
- Er trygg, tydeleg og tillitsskapande
- Kommuniserer godt med medarbeidarar, brukarar og samarbeidspartnarar
- Evnar å skapa engasjement, samhandling og utvikling
- Arbeider strukturert og målretta
- Er løysingsorientert og gjennomføringssterk
- Handterer omstilling og endringar på ein god måte
- Bidrar til eit positivt arbeidsmiljø
- Har god rolleforståing
Hos oss får du
Ei variert og meiningsfull leiarstilling
- Store moglegheiter til å påverka utviklinga av tenestene
- Dyktige medarbeidarar og sterke fagmiljø
- Kompetente fagleiarar som støttar den daglege drifta
- Eit godt fagleg og sosialt arbeidsmiljø
- Fleksibel arbeidstid
- Gode pensjons- og forsikringsordningar
- Løn etter avtale
- Nynorsk som administrasjonsspråk
Andre opplysningar
- Det er krav om gyldig politiattest før tilsetjing.
- Aktuelle søkjarar vil bli kalla inn til intervju.
- Suldal kommune følgjer offentleglova § 25 ved offentleggjering av søkjarliste.
- Arbeid på ettermiddag og kveld må påreknast. Helgearbeid kan unntaksvis bli aktuelt.
Link til søknadsskjema: Søk her
Om arbeidsgiveren:
Velkommen til Skattkammeret Suldal - Rogalands største kommune i areal, og eit levande samfunn rik på naturressursar og kreativ kraft. Me er stolte av å være ein nyskapande arbeidsgjevar. Me omfamnar LEAN-prinsippa for å skapa makalause tenester, og søkjer alltid etter dedikerte medarbeidarar som ønskjer å bli med på reisa vår. Om du søkjer ein meiningsfull karriere, samtidig som du ønskjer eit balansert og aktivt kvardagsliv, er Suldal plassen for deg. Det rike kulturlivet i Suldal gir liv til samfunnet, både i grendene og på vårt aktive kulturhus på Sand. Her ligg også sentralidrettsanlegget med idrettshall, sandhall og Suldal bad. Hos oss finn du dei høgaste toppane i Rogaland, langstrakte vidder, idylliske grender tett på fjorden og 70 km med merka skiløyper i vintersesongen. Utforsk våre ledige stillingar og bli ein del av laget vårt. Velkommen til Suldal kommune – eksotisk, aktiv og trygg!