Sales Specialist

<<Կալիբրի>>-ն առաջատար անշարժ գույքի ընկերություն է, Հայաստանի անշարժ գույքի գործակալությունների ասոցացիայի խորհրդի անդամ: Վաճառել ենք շուրջ $25,000,000 ընդհանուր արժեքով անշարժ գույք, օգտագործելով Հյուսիսային Ամերիկայի ամենաարդյունավետ տեխնոլոգիան։ Օգնել ենք հարյուրավոր հաճախորդներին գնել, վաճառել, վարձակալել և վարձակալության տալ իրենց անշարժ գույքը: Մենք համալրում ենք մեր թիմը այն մարդկանցով, ովքեր ուզում են դառնալ միջազգային ստանդարտներով աշխատող ընկերության կարևոր մասը:

Մենք փնտրում ենք պորտֆելի զարգացման և բանակացությունների մասնագետի , ով պատրաստ է նոր մարտահրավերների, սիրում է շփվել մարդկանց հետ և կարողանում է կառուցել վստահելի ու երկարաժամկետ հարաբերություններ հաճախորդների հետ։ Նրա հիմնական առաքելությունն է համալրել ընկերության անշարժ գույքի պորտֆոլիոն՝ ներգրավելով նոր սեփականատերերի, ներկայացնելով ընկերության ծառայությունները, կնքելով համագործակցության պայմանագրեր և ներկայացնելով վաճառողիի շահերը գործարքներում։ Այս աշխատանքը պահանջում է ճկունություն և մեծ ներգրավածություն, ուստի խորհուրդ ենք տալիս դիմել նրանց, ովքեր պատրաստ են աճել և զարգանալ անշարժ գույքի ոլորտում՝ անցնելով բարդ, բայց անչափ հետաքրքիր մասնագիտական ճանապարհ։ Պորտֆելի զարգացման և բանակցությունների մասնագետը պետք է պատրաստ լինի աշխատելու մեծ թվով հաճախորդների հետ, իրականացնել ամսական 50 և ավել այցելություն։ Ընկերության անշարժ գույքի պորտֆոլիոն ձևավորվում և զարգանում է հենց տվյալ մասնագետի աշխատանքի շնորհիվ, իսկ մնացած թիմակիցներն աջակցում են նրան՝ ապահովելով գույքերի արդյունավետ առաջխաղացումն ու հաջող գործարքների իրականացումը։ 

Հաստիքի արդյունքը ՝ Փակված գործարքը, որի ժամանակ ընկերությանը վճարվել են հնարավոր մաքսիմալ չափով ծառայությունների վճար, հաճախորդները գոհ են և խորհուրդ են տալիս ընկերությանը ընկերներին և բարեկամներին։

Պարտականություններ ՝

Շուկայի ուսումնասիրություն, հաճախորդների ներգրավում;

Մուտքային և ելքային զանգերի մշակում;

Հաճախորդների կարիքների և մոտիվացիայի բացահայտում;

Ծառայությունների ներկայացում;

Այցելությունների/հանդիպումների կազմակերպում(շաբաթական 15);

Անշարժ գույքի գնահատում;

Ծառայությունների մատուցման պայմանագրի ստորագրում;

Անշարժ գույքի նկարահանման կազմակերպում և հայտարարության ցուցակում;

Հաճախորդներին հաշվետվությունների տրամադրում;

Բանակցությունների վարում;

Գործարքի նախապատրաստում և փակում։

Ձեզ համապատասխանում է այս աշխատանքը, եթե դուք ՝

Ունեք առնվազն 2 տարվա աշխատանքային փորձ անշարժ գույքի կամ վաճառքի ոլորտում;

Բարձրագույն կրթություն;

Սիրում եք շփվել մարդկանց հետ և  կարողանում եք ստեղծել վստահելի և երկարաժամկետ հարաբերություններ;

Ունեք զարգացած հաղորդակցման և բանակցային հմտություններ;

Ունակ եք արագ կողմնորոշվել և խնդիրներ լուծել;

Պատասխանատու եք, նախաձեռնող և հակված վերջնական արդյունքին;

Սիրում եք զարգանալ, սովորել և բաց եք նոր գիտելիքների ու մարտահրավերների առաջ;

Ունեք համակարգչային գիտելիքներ;

Տիրապետում եք անգլերենին և ռուսերենին;

Սեփական մեքենայի առկայությունը կդիտարկվի որպես առավելություն։

Աշխատանքային պայմաններ ՝

Աշխատանքային օրեր և ժամեր՝ երկուշաբթի-ուրբաթ՝ 10:00-19:00, շաբաթ՝ 10:00-18:00 (հերթափոխով) ;

Վարձատրությունը՝ ֆիքսված վճար + բոնուսներ KPI-երի կատարումից + % վաճառքներից;

Գրասենյակը գտնվում է կենտրոնում՝ Իսահակյան 8 հասցեում։

Բոնուսներ ՝

Մրցակցային բոնուսային համակարգ;

Անվճար մասնագիտական ուսուցում և շարունակական զարգացում;

Հարմարավետ գրասենյակ Երևանի կենտրոնում;

Ամսական և եռամսյակային պարգևատրումներ;

Թիմբիլդինգներ, թրեյնինգներ և դրական աշխատանքային միջավայր։

Բարձր եկամուտ

Եթե դուք կարդացել եք հայտարարությունը մինչև վերջ և կարծում եք, որ տվյալ աշխատանքը համապատասխանում է ձեզ, ապա ուղարկեք ձեր ինքնակենսագրականը։