Վճարային տեխնոլոգիաների նախագծման և մշակման բաժնի պետ

«Արմենիան Քարդ» ՓԲԸ-ն փնտրում է Վճարային տեխնոլոգիաների նախագծման և մշակման բաժնի պետ, ով կղեկավարի համակարգային վերլուծաբանների և թեստավորողների աշխատանքը, ինչպես նաև կնպաստի վճարային տեխնոլոգիաների զարգացման և նոր լուծումների ներդրման գործընթացին։ Բաժնի պետը պատասխանատու կլինի վճարային համակարգերի և ինտեգրացիոն լուծումների նախագծման, տեխնիկական պահանջների մշակման ու նախագծերի տեխնիկական իրականացման համակարգման համար։

Կազմակերպել և համակարգել համակարգային վերլուծաբանների և թեստավորողների աշխատանքը, սահմանել առաջադրանքներն ու վերահսկել դրանց կատարումը։

Մասնակցել նոր վճարային համակարգերի և ծառայությունների նախագծմանն ու զարգացմանը։

Նախագծել և գնահատել վճարային համակարգերի ու ինտեգրացիոն լուծումների ճարտարապետությունը։

Վերահսկել տեխնիկական և գործառութային պահանջների, API պայմանագրերի (API Contracts) և ինտեգրացիոն լուծումների մշակումը։

Համագործակցել ծրագրավորման (Development), տեղեկատվական անվտանգության, ՏՏ ենթակառուցվածքների և համակարգերի կառավարման (IT Operations) թիմերի, ինչպես նաև արտաքին գործընկերների հետ։

Վերահսկել նախագծերի տեխնիկական առաջընթացը, բացահայտել տեխնիկական ռիսկերը  և հետևել դրանց կառավարմանը։

Ապահովել մշակվող լուծումների որակը, հուսալիությունը և սահմանված տեխնիկական պահանջներին համապատասխանությունը։

Վճարային համակարգերի և վճարային տեխնոլոգիաների լավ իմացություն։

Համակարգային վերլուծության և տեխնիկական լուծումների նախագծման փորձ։

API-ների, տվյալների փոխանակման ձևաչափերի և սինխրոն ու ասինխրոն ինտեգրացիոն մեխանիզմների, հաղորդագրությունների հերթերի լավ իմացություն՝ (REST, SOAP, JSON, XML, Message Queues և այլն)

Վճարային համակարգերի և ինտեգրացիոն լուծումների ճարտարապետություն նախագծելու ու գնահատելու կարողություն։

Ծրագրային ապահովման մշակման կենսափուլի (Software Development Life Cycle, SDLC) և թեստավորման գործընթացների իմացություն։

Թիմի կառավարման և տարբեր ստորաբաժանումների ու արտաքին գործընկերների հետ արդյունավետ համագործակցության փորձ։

Անգլերենի և ռուսերենի լավ իմացություն։

Վերլուծական մտածողություն և բարդ տեխնիկական խնդիրների վերաբերյալ որոշումներ կայացնելու կարողություն։

Առաջնահերթությունները սահմանելու, առաջադրանքները բաշխելու և արդյունքները վերահսկելու կարողություն։

Հստակ և արդյունավետ հաղորդակցման հմտություններ՝ ինչպես տեխնիկական, այնպես էլ ոչ տեխնիկական շահագրգիռ կողմերի հետ աշխատելու համար։

Պատասխանատվություն, նախաձեռնողականություն և ուշադրություն մանրուքների նկատմամբ։