Operations Manager - Westcon Yard Florø AS
Westcon Yard Florø held til på det tradisjonsrike verftet sentralt i Florø, og er ein leiande aktør innan forretningsområda subsea/fabrikasjon, skip og forsvar. Vi har ei prosjektportefølje som stadig utviklar seg i takt med nye behov og moglegheiter. Westcon satsar langsiktig og jobbar målretta med modernisering og berekraft. Du får ei sentral rolle i leiinga av verftet, med ansvar for produksjon, vedlikehald og anlegg.
I stillinga som Operations Manager er du ein del av leiargruppa ved verftet, og har personalansvar for leiarar innan produksjon og vedlikehald.
Dine ansvarsområder:
Overordna ansvar for produksjon, drift og vedlikehald av anlegg, herunder, men ikkje avgrensa til:
- Sikre effektive prosessar og organisering i produksjonen
- Identifisere tiltak for kostnadsreduksjon og effektivisering
- Oppfølging av timeforbruk, produktivitet og andre kommersielle måltal
- Kapasitets- og ressursstyring for å sikre riktig produksjonskompetanse og -kapasitet
- Sikre at arbeid blir utført med tilfredsstillande kvalitet
- Sikre at anlegget er operativt og underbygger effektiv produksjon
- Innan for tilgjengelege rammer, utvikle anlegget for å understøtte verksemda sine målsetnadar og strategi
Kven ser vi etter?
Du har leiarerfaring og god oversikt over operativ og kommersiell drift. Du forstår korleis du får folk med deg, og har evne til å planleggje langsiktig utan å miste blikket for detaljane.
Vi ser for oss at du:
- Har erfaring frå maritim industri eller tilsvarande produksjonsmiljø
- Har god kommersiell forståing, er analytisk og kan sjå heilskapen i drift
- Har gode leiareigenskapar og evne til å motivere teamet ditt
- Er strukturert, systematisk og utviklingsorientert
Du må kunne sikkerheitsklarerast for nivå HEMMELEG / NATO SECRET. Sjå http://nsm.no/ for meir informasjon.
Har du spørsmål om stillinga?
Ta kontakt:
Asbjørn Grini - 917 94 825 / https://Asbjorn@visere.no Daniel Klakegg Dvergsdal - 904 79 470 / https://Daniel@visere.no
OM WESTCON YARD FLORØ Westcon Yard Florø er i vekst og har som underleverandør til Kongsberg Naval Service inngått ein strategisk rammeavtale om vedlikehald av forsvaret sine fregattar, i tillegg til avtalar om vedlikehald av Kystvaktflåten. Vi opplever samtidig god vekst innanfor nybygg av subseamodular og leverer mellom anna til kundar som Aker, Technip FMC og Subsea 7. Vi er opptekne av at du må ha dei rette haldningane, like å samarbeide og kunne kommunisere godt med andre. Vi er vidare opptekne av at vi her på Westcon er eit fellesskap, der kunnskap blir delt på tvers av roller og avdelingar.
Kvifor velje oss? Som Operations Manager oss vil du få faglege utfordringar, men òg gode moglegheiter for individuell karriereutvikling. Våre siste store kontraktar gir oss mange moglegheiter, men òg tryggleik og stabilitet i eit langsiktig perspektiv. Som arbeidsplass kan vi by på fagleg utfordring og utvikling, kjekke kollegaer med godt samhald, eiga kantine, velferdsordningar og gode framtidsutsikter. Vi er i dag om lag 230 tilsette, og ser fram til å ønskje fleire nye kollegaer velkomne!
Verftet si lokalisering: Florø er ein småby med om lag 9 000 innbyggjarar lengst vest i landet og er omgjeven av fantastisk natur. Fjell og hav er tett på, men du finn samtidig alt du treng av byliv med kafear, kultur og ulike fritidstilbod. Her er ein sentralt plassert flyplass med direkteruter til Oslo og Bergen. I tillegg har Kystekspressen sine båtruter to daglege avgangar til Bergen.