Audio Engineer
Original version (Armenian).Show translation (English)
About the company
Հայաստանի հանրային հեռուստաընկերությունն իր թիմին միանալու է հրավիրում աուդիո ինժեների, ով պատասխանատու կլինի պրոֆեսիոնալ ձայնային համակարգերի շահագործման և տեխնիկական սպասարկման, ձայնի որակի վերահսկման, ինչպես նաև ուղիղ եթերների և ձայնագրությունների ընթացքում բարձրորակ ու անխափան ձայնային ապահովման համար։
Your tasks
- Ուղիղ եթերից կամ ձայնագրությունից առաջ ստուգել, միացնել, կարգավորել և պատրաստել բոլոր ձայնային սարքավորումները,
- Վերահսկել ձայնի մակարդակները և բարձրաձայնության ցուցանիշները (LUFS), ապահովել հեռուստահեռարձակման չափանիշներին համապատասխանությունը՝ բացառելով կողմնակի աղմուկը, արձագանքները (echo), աղավաղումներն ու ձայնի ընդհատումները,
- Կարգավորել և կառավարել ձայնային ազդանշանների փոխանցումը ստուդիաների, գլխավոր հսկիչ սենյակների (MCR) և ներքին հաղորդակցման համակարգերի (Intercom) միջև։
- Կարգավորել Zoom, Skype, հեռախոսային կապի և հեռավար միացումների միջոցով եթերին միացող հյուրերի ձայնը՝ ապահովելով ձայնի բարձր որակ և ստուդիայի ու հյուրերի միջև հստակ, անխափան ձայնային կապ։
- Կարգավորել, շահագործել և սպասարկել Audio-over-IP (AoIP) ցանցերն ու համակարգերը, ներառյալ Dante, AES67 և Ravenna արձանագրությունները։
- Սպասարկել և ստուգել ներքին հաղորդակցման համակարգերը (Intercom/Talkback), որոնք օգտագործվում են ռեժիսորների, օպերատորների, հաղորդավարների և արտադրական թիմի մյուս անդամների միջև կապն ապահովելու համար,
- Ուղիղ եթերի ընթացքում առաջացած ձայնային խնդիրներն ու տեխնիկական խափանումները արագ հայտնաբերել և արդյունավետ լուծել,
- Վերահսկել հեռուստահաղորդումների և այլ հեռարձակվող բովանդակության բազմալիքային ձայնագրման (Multitrack Recording) ընթացքն ու որակը,
- Համագործակցել վիդեո ինժեներների, ռեժիսորների և ստեղծագործական խմբի հետ՝ ապահովելու ձայնի և պատկերի համաժամեցվածությունն ու եթերի անխափան ընթացքը,
- Անհրաժեշտության կամ ծանրաբեռնվածության դեպքում աջակցել տեխնիկական թիմի մյուս անդամներին՝ ընդհանուր աշխատանքի արդյունավետությունն ապահովելու համար։
Requirements
- Բարձրագույն կամ միջին մասնագիտական կրթություն ռադիոտեխնիկայի, կապի համակարգերի, տեղեկատվական տեխնոլոգիաների կամ հարակից տեխնիկական ոլորտում,
- Աշխատանքային փորձ հեռուստատեսությունում, ռադիոյում, մեդիա ստուդիաներում կամ համերգային ձայնային ապահովման ոլորտում,
- Թվային և անալոգային ձայնային համակարգերի, ինչպես նաև հեռուստատեսային ձայնի միջազգային չափանիշների, այդ թվում՝ EBU R128 բարձրաձայնության ստանդարտի իմացություն,
- Dante ցանցային աուդիո արձանագրության և IP-ի վրա հիմնված ձայնային համակարգերի աշխատանքի իմացություն,
- Պրոֆեսիոնալ թվային ձայնային պուլտերի (օրինակ՝ Calrec, Yamaha, Behringer, Soundcraft) և անլար միկրոֆոնային համակարգերի (Sennheiser, Shure) աշխատանքի վերաբերյալ տեխնիկական գիտելիքներ,
- Ձայնի թվային մշակման ծրագրերի (DAW), օրինակ՝ Pro Tools, Adobe Audition կամ Reaper, բազային իմացություն,
- Տեխնիկական անգլերենի կամ ռուսերենի իմացություն՝ սարքավորումների ընտրացանկերը, տեխնիկական փաստաթղթերն ու օգտագործման ձեռնարկները հասկանալու համար,
- Ուղիղ եթերի և արտակարգ իրավիճակների ժամանակ սառնասիրտ, կենտրոնացած և արդյունավետ աշխատելու ունակություն,
- Հերթափոխային գրաֆիկով, երեկոյան ժամերին, հանգստյան և տոնական օրերին աշխատելու պատրաստակամություն՝ եթերացանցին համապատասխան։
Other
Շնորհակալություն ենք հայտնում բոլոր դիմորդներին և տեղեկացնում, որ հարցազրույցի կհրավիրվեն նախնական ընտրության փուլն անցած թեկնածուները: