Avdelingsleiar i tilrettelagte tenester

Kan du tenkje deg ein spanande leiarjobb i ei teneste i utvikling?

Tilrettelagte tenester søkjer avdelingsleiar i 100% stilling. Som avdelingsleiar har du ansvar for å organisere den daglege drifta og sikre fagleg forsvarlege tenester. Hovudbasen vår er på Heggenes, og vi gjev tenester til barn, ungdom og vaksne.

Vi ønskjer å utvikle organisasjonen og skape eit fagmiljø med ulike kvalitetar og styrker, der alle får anledning til å utfylle og utfordre kvarandre. Tenesta er i ein endrings- og utviklingsprosess, og med i innovasjonsprosjektet TØRN, som er eit læringsnettverk spesielt retta inn mot denne type teneste. Vi søkjer deg som er motivert til å ta ansvar i ein slik prosess.

Arbeidsoppgåver

• Organisere den daglege drifta og sikre fagleg forsvarlege tenester
• Ha ansvar for endrings- og utviklingsprosessar
• Sikre at tenesta er organisert og administrert på ein måte som fremjar trivsel og eit godt arbeidsmiljø
• Utføre delegert personalansvar, fagansvar og økonomiansvar for avdelinga
• Saman med tenesteleiar sørge for at tenesta vert drifta mest mogleg oppgåve- og kostnadseffektiv
• Samarbeide med andre instansar og tenester, internt og eksternt

Kvalifikasjonar

Det er ønskjeleg med:

• 3-årig helse- og sosialfagleg utdanning
• Erfaring med arbeid i tilrettelagte tjenester
• Leiarerfaring, og svært gjerne leiarutdanning
• Erfaring frå endringsprosessar

Personlege eigenskapar

• Gode samarbeids- og kommunikasjonsevner, og god samhandlingskompetanse
• Er løysnings- og resultatorientert
• God arbeidskapasitet og motivert til å delta i endring- og utviklingsprosessar
• Evne til å motivere andre
• Evne til å ta ansvar i beslutningsprosessar
• Initiativrik og kan arbeide både sjølvstendig og tverrfagleg
• Gode digitale ferdigheiter
• Personleg eignaheit vil bli tillagt stor vekt

Vi tilbyr

• Engasjerte og dyktige kolleger
• Ein variert arbeidskvardag med faglege utfordringar
• Gode pensjons- og forsikringsordningar gjennom KLP
• Lønn etter avtale

KontaktinformasjonPer Bo Svensson, Tenesteleiar helse og tilrettelagte tenester, +47 92666185 ArbeidsstadBygdinvegen 1989 2940 HEGGENES Nøkkelinformasjon:Arbeidsgivar: Øystre Slidre kommune

Referansenr.: 5165098031 Stillingsprosent: 100% Fast Søknadsfrist: 27.09.2026

Om arbeidsgiveren:

Nasjonalparkkommunen Øystre Slidre ligg ved inngangsporten til Jotunheimen, med Beitostølen som et naturleg utgangspunkt. Vegen er kort til toppturar både sommar og vinter.

Friluftsliv, jakt, fiske og stølsliv er viktig i kommunen. Du finn mellom anna deler av Langsua nasjonalpark, eit stort turløypenett og milevis med skiløyper i heile kommunen. På Valdresflye varar skisesongen lenge. Velkommen til rein naturglede!

Reiseliv og jordbruk er blant dei største næringane, og det finst spanande arbeidsplassar innan fleire bransjar.Øystre Slidre har dei siste åra hatt vekst i folketallet.

Øystre Slidre kommune skal tilby gode tenester til innbyggarar og tilreisande i alle aldersgrupper. Nytt og moderne helsetun stod ferdig i 2021. Eit rikt kulturtilbod, eit godt tilbod til barn og unge og ein unik dugnadsånd er med på å gjere kommunen til ein attraktivt stad å bu.

Gode handelstilbod finn ein både i kommunen og rundt regionsenteret Fagernes.

Vil du vite meir om Valdres? Vi har unik natur, kultur og er ein attraktiv region, sentralt i Norge. Les meir på valdres.no.