Kulturleiar

Er du den nye kulturleiaren i Luster kommune?

Luster kommune søkjer etter ny medarbeidar etter at vår mangeårige seniorrådgjevar og tidlegare kultursjef har blitt pensjonist. Me ser no etter ein engasjert arvtakar som brenn for kulturfeltet og som vil vidareutvikla og synleggjere den rike kulturarven og kulturlivet i Luster kommune.

Tenesteområdet Kultur er organisert i same sektor som tenesteområda Oppvekst og Folkehelse. Kulturleiar vil rapportere til kommunalsjef oppvekst. Samarbeid med frivillig sektor, lag og organisasjonar vil vera viktig for å utvikle kulturtilbodet i kommunen.

Stillingsinformasjon

• 100 % fast stilling
• Oppstart etter avtale

Ansvar og arbeidsoppgåver

• Utforme lokale strategiar for satsingsområde innan kultur
• Prosjektkoordinering
• Synleggjere og utvikle kulturtilbodet i kommunen
• Nettverksbygging
• Søknadsskriving, tilskotsforvaltning og sakshandsaming
• Budsjettering og økonomistyring

Ønskelege kvalifikasjonar

Me søkjer ein kandidat med relevant fagkompetanse og/eller relevant arbeidserfaring:

• Relevant utdanning på høgskule-/universitetsnivå
• Erfaring frå kulturfeltet og/eller erfaring med organisasjonsarbeid
• Kjennskap til kommunal sektor
• Kan handtere økonomi, søknadsprosessar og rapportering
• God munnleg og skriftleg kommunikasjon
• Gode kunnskapar innafor digital formidling og informasjonskompetanse

Personlege eigenskapar

Personlege eigenskapar vert lagt vekt på. Me ser etter deg som er:

• Strategisk og nytenkande og med god heilskapleg forståing
• Strukturert og sjølvstendig
• Ansvarsbevisst og tydeleg i faglege vurderingar
• Omgjengeleg, serviceinnstilt og lyttande
• Samarbeidsorientert og løysingsorientert
• Profesjonell i møte med samarbeidspartnarar og medarbeidarar

Me kan tilby

• ei ansvarsfull stilling i Luster kommune
• varierte og spennande arbeidsoppgåver saman med gode kollegaer
• arbeid i ein veldriven kommune med gode og sikre rammevilkår
• gode moglegheiter for fagleg utvikling
• kommunale tilsetjingsvilkår med gode pensjons- og forsikringsordningar
• løn etter avtale

Andre opplysningar

• Administrasjonsmålet i kommunen er nynorsk
• Alle faste nytilsetjingar vert gjort med ei prøvetid på 6 månader
• Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort
• Søknadar må leverast innan fristen og må sendast inn via rekrutteringssystemet vårt EasyCruit

Link til søknadsskjema: Søk her

Om arbeidsgiveren:

Luster kommune ligg inst i Sognefjorden og er arealmessig blant dei aller største kommunane i Sør-Noreg. Kommunen rommar både mektige tindar, djupe fjordar og snødekte brear. Folketalet nærmar seg 5500 innbyggjarar. Det er eit allsidig næringsliv med vekt på vasskraftproduksjon, landbruk og bærdyrking, reiseliv og turisme, innovativ profilering- og trykkeriverksemd. Kommunesenteret Gaupne ligg rundt 25 minutt frå regionsenteret Sogndal. Luster har mange levande bygder og aktive lokalsamfunn. Det er eit godt og breitt kommunalt tenestetilbod. Meir informasjon finn du på: www.luster.kommune.no Tilgjengelegheitserklæring: https://uustatus.no/nn/erklaringer/publisert/f8915265-a527-4dd3-a2c7-d0ef4f693575