SMM մասնագետ

Arca-ի մարքեթինգի թիմը փնտրում է ստեղծագործ, նախաձեռնող և արդյունքամետ SMM մասնագետի, ով պատասխանատու կլինի բրենդի սոցիալական մեդիայի հարթակների կառավարման, բովանդակության պլանավորման և ստեղծման, ինչպես նաև թվային հաղորդակցության արդյունավետության բարձրացման համար։

Մենք փնտրում ենք մասնագետի, ով հասկանում է տարբեր սոցիալական հարթակների առանձնահատկությունները, կարողանում է գաղափարները վերածել հետաքրքիր և հասկանալի բովանդակության և պատրաստ է իր ներդրումն ունենալ ազգային նշանակություն ունեցող բրենդի զարգացման մեջ։

Մշակել և իրականացնել Arca-ի սոցիալական մեդիայի բովանդակության պլանը՝ բրենդի հաղորդակցման նպատակներին համապատասխան

Կառավարել Arca-ի սոցիալական մեդիայի հարթակները և ապահովել դրանց հետևողական ու ակտիվ վարումը

Գեներացնել գաղափարներ հրապարակումների, արշավների, տեսանյութերի և այլ թվային ձևաչափերի համար

Գրել և խմբագրել սոցիալական մեդիայի հրապարակումների տեքստեր՝ պահպանելով բրենդի հաղորդակցման ոճը

Ձևակերպել հստակ առաջադրանքներ և բրիֆեր դիզայներների, տեսանյութերի պատրաստման մասնագետների և այլ ներգրավված գործընկերների համար

Համակարգել սոցիալական մեդիայի համար նախատեսված վիզուալ և տեսանյութային բովանդակության պատրաստումը՝ հետևելով աշխատանքների որակին և ժամկետներին

Պլանավորել և իրականացնել սոցիալական մեդիայի համար միջոցառումների, նախագծերի և գործընկերային նախաձեռնությունների լուսաբանումը

Հետևել էջերի մեկնաբանություններին և հաղորդագրություններին, ապահովել պատշաճ ու ժամանակին արձագանք

Վերլուծել սոցիալական մեդիայի հիմնական ցուցանիշները, պատրաստել պարբերական հաշվետվություններ և ներկայացնել բովանդակության արդյունավետության բարձրացման առաջարկներ

Հետևել սոցիալական մեդիայի թրենդներին, մրցակիցների ակտիվությանը և միջազգային լավագույն փորձին՝ առաջարկելով Arca-ի համար կիրառելի նոր ձևաչափեր և լուծումներ

Մասնակցել մարքեթինգային արշավների մշակմանն ու իրականացմանը

Առնվազն 3 տարվա աշխատանքային փորձ SMM-ի կամ թվային մարքեթինգի ոլորտում

Սոցիալական մեդիայի հիմնական հարթակների, դրանց առանձնահատկությունների և բովանդակության ձևաչափերի խորքային իմացություն

Բովանդակության պլանավորման և սոցիալական մեդիայի էջերի ինքնուրույն կառավարման փորձ

Գրավոր հայերենի գերազանց իմացություն և տարբեր լսարանների ու հարթակների համար գրագետ, հետաքրքիր և ազդեցիկ տեքստեր ստեղծելու կարողություն

Անգլերենի և ռուսերենի լավ իմացություն

Meta Ads Manager-ի մասնագիտական իմացություն և թվային գովազդային արշավների ինքնուրույն պլանավորման, գործարկման, օպտիմալացման ու արդյունքների վերլուծության փորձ

Սոցիալական մեդիայի հիմնական ցուցանիշների վերլուծության և հաշվետվությունների պատրաստման հմտություն

Ստեղծագործ մտածողություն և նոր գաղափարներ ու բովանդակային ձևաչափեր առաջարկելու նախաձեռնողականություն

Միաժամանակ մի քանի աշխատանք պլանավորելու, առաջնահերթություններ սահմանելու և ժամկետները պահպանելու կարողություն

Ուշադրություն մանրուքների նկատմամբ և պատասխանատու մոտեցում

Թիմային աշխատանքի և դիզայներների, տեսանյութերի պատրաստման մասնագետների ու այլ ներգրավված գործընկերների աշխատանքը համակարգելու կարողություն

CapCut, Canva, Adobe Premiere Pro կամ համարժեք գործիքներով աշխատելու հմտությունը կդիտարկվի որպես առավելություն

Թեկնածուների ընտրության ընթացքում առաջնահերթություն կտրվի տեքստային կրեատիվ և ուժեղ հմտություններ ունեցող մասնագետներին։

Ի՞նչ կստանաք

Աշխատանք ազգային նշանակության բրենդի համար

Աճի և զարգացման հնարավորություն՝ փորձառու թիմի ուղղորդությամբ

Ներգրավվածություն բրենդի ռազմավարական դիրքավորման և գործընկերային համագործակցությունների գործընթացում

Բոլոր հետաքրքրված թեկնածուները կարող են իրենց ինքնակենսագրականներն ուղարկել  hr@arca.am էլեկտրոնային հասցեին՝  Subject  դաշտում նշելով հաստիքի անվանումը։