Overlegestillingar - ortopedisk kirurgi
Ortopedisk avdeling ved Førde sentralsjukehus har ledig to faste overlegestillingar. Oppstart etter nærare avtale.
Vi ønskjer deg velkomen til eit fagleg sterkt og inkluderande miljø der det er rom for både breidde, fordjuping og utvikling.
Eit breitt og utviklingsorientert fagmiljø Ortopedisk avdeling har eit breitt fagtilbod og aktivitet ved sjukehusa i Førde, Lærdal og Nordfjordeid. Førde sentralsjukehus er fast arbeidsstad for overlegane. Vi har eit godt etablert tverrfagleg samarbeid med andre fagmiljø i Helse Førde og legg vekt på vidareutvikling av tenestene våre.
Vi tilbyr mellom anna:
- Traumatologi
- Handkirurgi
- Skulderkirurgi og artroskopisk kirurgi
- Protesekirurgi – hofte, kne og skulder
- Fot- og ankelkirurgi
- Ryggkirurgi
Vi ønskjer å styrke og vidareutvikle fleire av dei ortopediske fagområda våre. Særleg interessant er det med søkjarar som har erfaring og engasjement innan handkirurgi, artroskopisk skulderkirurgi og/eller ryggkirurgi, men vi oppmodar alle kvalifiserte ortopedar med interesse for stillinga til å søke.
Avdelinga har sju ortopediske LIS3-stillingar og nitten LIS1-stillingar fordelt melom kirurgisk og ortopedisk avdeling. Ved sjukehusa i Lærdal og Nordfjord har vi skadepoliklinikk på dagtid mandag til fredag.
Ein attraktiv stad å bu og arbeideFørde sentralsjukehus ligg sentralt i Førde, i hjertet av Sunnfjord. Her får du eit aktivt og variert arbeidsmiljø, samtidig som du har kort veg til fjord, fjell og eit rikt frilufts- og kulturtilbod. Førde har gode kommunikasjonsmoglegheiter til både Bergen og Oslo.
Arbeidsoppgåver
- Vaktarbeid
- Elektiv og akutt ortopedisk kirurgi
- Poliklinikk
- Visitt på sengepost
- Internundervisning
- Rettleiing av LIS
- Rettleiing og kommunikasjon med førstelinjeteneste
- Fortløpande dialog og samarbeid med andre avdelingar i Helse Førde
- Ambulering til lokalsjukehus
Kvalifikasjonar
- Norsk autorisasjon og godkjenning som spesialist
- Generell vaktkompetanse, erfaring med traumatologi
- Det er ønskjeleg med elektiv erfaring frå eit eller fleire fagfelt innan ortopedi
- Må beherske godt norsk både munnleg og skriftleg
Utdanning
- Utdanningsretning: Medisin
- Utdanningsnivå: Profesjonsstudium
Personlege eigenskapar
- Gode samarbeidsevner og evne til å spele andre gode
- Bidra positivt til eit godt arbeidsmiljø
- Pasienten i fokus
- Fagleg engasjert
- Strukturert i forhold til eigne arbeidsoppågåver og gjennomføringsevne
Vi tilbyr
- Løn etter overeinskomst
- Gode pensjons- og forsikringsordningar
- Sjukehuset kan hjelpe til med å skaffe bustad
Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.
KontaktinformasjonNavid Beigi, Avdelingssjef, (+47) 455 12 209 ArbeidsstedSvanehaugvegen 2 6812 Førde Nøkkelinformasjon:Arbeidsgiver: Helse Førde
Referansenr.: 5182731133 Stillingsprosent: 100% Fast Søknadsfrist: 18.10.2026
Om arbeidsgiveren:
Helse Førde HF har ansvar for spesialisthelsetenestene i Sogn og Fjordane. Føretaket arbeider for å gje pasientar og brukarar eit godt og heilskapeleg tilbod innanfor gjeldande rammer. Helse Førde sine institusjonar og prehospitale tenester er organisert i eit heilskapleg nettverk, og samarbeidet med andre instansar som m.a. kommunane er høgt prioritert. Føretaket har om lag 3 200 tilsette og eit budsjett på ca 4 milliardar kroner og er den største verksemda i Sogn og Fjordane. Forsking og innovasjon er og viktige oppgåver i sjukehuset.
Helseføretaket er eigd av det statlege Helse Vest RHF. Føretaksgruppa i Helse Vest skal spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, fleirkulturell bakgrunn eller om du har hatt opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.